| ||
| ][ صاحبـ ـمشاعر ® ][ |
شبكة الطلائع
شبكة المعالي
إنشادكم
:: مـعرض الصـور الخاصة ::
| ||
أسعد الله أوقاتكم ، صراحة مافي البال موضوع معين أو شيء .. بس اشتقت لقالب كتابة تدوينة جديدة ، فقلت خل أكتب الي يطلع هع انا لي مدة أروح للوبي الي في فندق الانتركونتيننتال .. طبعا اللوبي جدا رائع .. أحسن مافيه صراحة إنو مافيه إزعاج و مكانة بعيد عن الدرج و المصاعد و النادي و البتاع كلوه ! طبعا من عادتي أروح لحالي ، إما معي كتاب معين ناوي أقراه أو مثلا تروح بس كذا مزاج ! غالبا ما أروح أقرا صراحة ، المهم .. ابذكر كم موقف مر عليه في الفندق و وش خلاني الفندق أسعى له ، أول المواقف .. مرة كنت جالس متحمس جدا اقرا كتاب للدكتورة : جان ياجر ، إلا و يجيك واحد سعودي ! قال يا اخوي عندنا اجتماع ! قلت طيب ؟ قال لابس ودنا نجلس هنا ! انا صراحة المكان نوعا ما مناسب بس عادي لو اغيره ! قلت في نفسي قلت الأماكن ! قلت اظاهر انك فاهم الإجتماع خطأ .. الأماكن كلها فاضية ! المهم راح بغيت صراحة ألحقها بكلمة و أقول شرايك أحجز لك غرفة بعد عشان تاخذ راحتك مدري صراحة ليه بعض الناس ما يبون و لا يدورون إلا الضيق ! ياخي الأماكن فاضية ضاق إلا المكان الي أنا فيه ! ـ هذا الموقف الأول .. و مرة كنت داخل الفندق فمعي شنطة .. المهم انه دخلتها على سير التفتيش ، فكان يدخلها و يطلعها و انا اقول وش فيك ! يقول لا بس وش معك ! انا صراحة قلت ليكون حطوا الصغار فيها شيء ! قلت فيها كتب و دفاتر و أقلام ! قال ايه بس تبي الصراحة ؟ قلت وشو قال السير علق و تنفس الصعداء قلت ليه ناوي أجلس طول اليوم و السير يسوي كذا ! خل أسحبها بس
ــ الموقف الثالث .. حصل قريب تقريبا ، كنت جاي هالمرة و معي كتاب جديد .. صراحة الكتاب شبهة ! إذا جيت للعنوان شبهة .. و إذا جيت للصورة شبهة ! يعني يخووف اسم الكتاب : من قلب الجهاد .. هذي صورة لواجهة الكتاب : :
: : طبعا الكتاب قصته جدا جدا جدا حلوة و شيقة في نفس الوقت ، بإختصار جدا الكتاب لجاسوس عربي الأصل عمل في أحد أكبر إستخبارات العالم .. طبعا يروي قصته و كيف تسلل للقاعدة و دخل معسكراتها ، و كيف تخلت عنه المخابرات الغربية .. و كيف نجح في الفرار من القاعدة ، الكتاب جديد و من أواخر ما أصدرته مكتبة [ العبيكان ] المهم ، جلست أقرا في الكتاب .. طبعا وصلت للصفحة رقم 100 بدون ما أحس و الله ! ناظرت الساعة .. قلت يؤ يؤ ! الساعة 7 ! يعني صلوا المغرب المهم قمت و توضيت و انا طالع .. أقول للعامل الموجود في اللوبي [ I will come back
يعني قلت : انا سوف أعود .. المهم توضيت و صليت مع كم واحد كانوا في اللوبي ، بعد ماخلصت الصلاة رحت على مكاني .. جاني مدير الكفي من أحد الدول العربية .. بس ولد عسل ، قال كتاب حلو مخيف مرعب ! قلت جدا قال جدا حلو ! جديد الكتاب ؟ قلت جدا جديد .. المهم قال او ما تخلص منه عطني إياه قلت تامر أمر ! طبعا كان يسأل اذا معي كتب ثانية ! فقلت عندك الشنطة شف الي يناسبك خذه ، و اذا خلصت رجعه ، المهم أخذ ثلاث كتب .. أو ثلاث روايات ، مرت يومين .. و رحت للوبي .. و ألقى الرجال متشقق لأبعد درجة ! قال خلصتهم ! قلت أما قال و انت ماخلصتهم ! قلت لا مابعد .. انا أستلمه بعد المغرب و العصر يكون مع وحدة من أخواتي طبعا صراحة .. بعد ما شفت همة مدير اللوبي في القرآءة ! جلست اقول مدير و مدري ايش و كم ساعة شغل و مراجعة فواتير و مدري ايش ! و في يومين خلص كتابين من القطع المتوسط يمكن كل كتاب 200 صفحة و شوي قلت إن شاء الله إني أبخلص كتاب : من قلب الجهاد بسرعة ! و اعطيه إياه ، يستاهل صراحة ـــــ فيه و الله مواقف كثيرة .. خصوصا يوم دخلت و انا حاط سماعات في اذني و قال واحد قصر عليها إزعاج بغيت اقول اها بس ازعاج قال ــــ بس صراحة ! و الله استفدت استفادة حلوة صراحة من مخالطة عمال اللوبي ! يعني صرت على الأقل أعرف أقول : إني سأعود للطاولة مرة أخرى ! و الكثير من الجميل الي يتمشي عمرك فيها سواءا كنت في مطعم أو محل أو أي شيء ، قلت مرة للعامل الهندي لا تكلمني عربي ! خل شوف اعرف كم كلمة ، بس مرة ضعت صراحة معه أبقول هل يوجد جريدة الجزيرة لهذا اليوم ؟ ماعرفت يعني مثلا .. بيبر .. و تودي .. و دو يو هاف ! قلت له إظاهر : دويو هاف بيبر تودي ! قال أي جريدة ! قالها بالإنجليزي طبعا ! انا قلت اوكي ثانكيو على بالي انها مب فيه او ماخذها احد او او ! يعني .. صرت ألحلح عمري شوي يا الله .. ناوي و الله أتعلم الإنجليزي عن طريق محادثتهم و القرآءة ! و بعض الحركات ــ لرواد لوبي الأنتر .. أنصح بكل من المشروبات : كوفي كراميل .. كوفي لاتية .. كوفي أمريكي .. سبرايت عندهم حلى فراولة واو و الله رووووعة ، ـ مشكلة اللوبي الوحيدة هي ! .. اذا جيت بعض الأحيان و كان مليان و لا فيه إلا الجلسات الخلفية تكره نفسك \: يصيرون الي قدام يدخنون الله يعزكم و الدخان يجي للي ورا \: أفضل شيء صراحة ! جلسة في أقصى اليمين .. مرتفعة شوي ، و لا في المنتصف ! مدري سبحان الله ليه مايجيه دخان هع هع ـ > كنت حاط الموضوع أول شيء [ فراغ ] بس بعد تمامه غيرته لـ محطات في الانتركونتيننتال ـ تصبحون على ألف خــير ، ـ في أمان الله : : : : : : : : : : : | ||
... 
.. قال وش طبيعته خليته يقرا قصيته و أهم المواضيع فيه ،
! ماشاء الله انت أكلتهم ما قريتهم 
،
| ||||
| تجربة :D | ||||
| ||||
| ||||
| شوقتني اروح لمّه صراحة
بس ياهو مشورة بعد الا عندهم وايرلس ؟؟ | ||||
| ||||
| ||||
| ههههههههههههههههههههههههههههههه سيكو
عليك اسم بعد :D هلا و سهلا ، عندهم بس الساعة بـ 30 ريال :S لاصرت مضروبك على راسك خذه :D المشكلة كثير مرة أتردد عليه و لا قد شفت احد قد دخل النت أثناء تواجدي أبدا ! شكرا لمروركم (H) حرّر بواسطة emotional في 2008-07-19 عند 03:13 ص | ||||
| ||||
أرسل تعليق |
| ||||
| الصفحة السابقة | الصفحة التالية |