بسم الله ..

الحمد لله و الصلاة و السلام على رسول الله ..

صراحة شيء يقهر اذا كتبت قصيدة من حرقة و ألم .. و من واقع مرير للأسف :(

و الي يزيدك قهر بعد .. اذا كان أغلب الناس فيهم هذا الشيء الي كتبت عنه ..

و لا بعد الي يزيد القهر قهر .. انك يوم كتبتها .. و خلصت تقول ودي اكمل و تكمل و تكمل و تكمل بعدين !

.

.

تحفظ القصيدة على ملف وورد في الجهاز و بالضبط في المستندات .. بعدين تسكر الجهاز

او تغلقه و تروح مع مجموعة شباب لمنطقة برا الرياض ..

بعدين تجلس يومين معهم ..

بعدين ترجع للبيت متفائلا برؤية ابنتك الوليدة .. و فجأة !

تفتح الجهاز و كلك شوق لرؤية الجميلة ..!

تفتح المستندات .. و كلك امل

يؤ !

وين القصيدة !!

.

.

اي صح صح يمكني حفظتها بسطح المكتب

يا الله يا عبدالعزيز دور تكفى شوي شوي و تأكد من كل ملف تمر عليه

اي أبشر جاري البحث >>>

يؤ !! وين راحت !

معقولة ضاعت بكل بساطة !

لالالالالالالالالا هذي صح صح

أخيرا لقيتها بغى يطيح قلبي

جاري فتح الملف  >>> طط

.

.

وين القصيدة طيب

شلون مافيه إلا بيت واحد !

مايصير كذا !!

يا الله ..!!

وين راحت القصيدة ذات الأربع و عشرين بيت

المشكلة لو اني يوم كتبتها قريتها كم مرة ممكن احفظها او احفظ حتى لو أغلبها !

بس اول مانقلتها على طول سكرت الجهاز

وش الحل طيب يا عزوز !!

الحل اي بسيط اسأل ناس لهم خبرة بالأجهزة \:

تتوقع عندهم خبر ! اي و ليه لا منتب خسران شيء ،

هذي الأفكار الي كانت تراودني ..

.

.

طبعا كانت أجوبتهم ماتقدر ترجعها لأنك اما ما حفظتها صح او فيه مشكلة المهم انك ماتقدر خلاص

صراحة تحطمت .. ايييييه

يا الله .. وش اسوي لعلها خيرة إن شاء الله

عاد مب هي اول وحدة من بناتي تضيع .. لا فيه قبلها بس قديمات تقريبا .. و احظفهم و كتبت الي اذكره ،

اذكر من الي قد ضاعوا قصيدة [ عزف الرصاص ] الي ماذكرت منها يمكن الا 7 او 8 ابيات ما اذكر بالضبط ..

عاد سبحان الله الفقيدة بعد ما ترجع تكون محببة للقلب

خل أحط هنا قصيدة عزف الرصاص ..

ـــــــــــــــــــــــــــ

ـــــــــــــــــ

ــــــ

على هذا الرابط القصيدة منشدة ،

www.altlae3.com/vb/uploaded/167_azf.mp3

ــــــــــــــــــــــــــــــــــ

ـــــــــــــ

ـــ

اييييه الله يعوضني خيرا منها .. و عذرا يا مدونتي على الهجران لأني أمر في مرحلة ووضع مكركب و متلخبط شوي

ـــ

أراكم لاحقـا ، و تصبحون على خـير

عبدالعزيز ...