| ||
| ][ صاحبـ ـمشاعر ® ][ |
شبكة الطلائع
شبكة المعالي
إنشادكم
:: مـعرض الصـور الخاصة ::
| ||||
أسعد الله أوقاتكم ، صراحة مافي البال موضوع معين أو شيء .. بس اشتقت لقالب كتابة تدوينة جديدة ، فقلت خل أكتب الي يطلع هع انا لي مدة أروح للوبي الي في فندق الانتركونتيننتال .. طبعا اللوبي جدا رائع .. أحسن مافيه صراحة إنو مافيه إزعاج و مكانة بعيد عن الدرج و المصاعد و النادي و البتاع كلوه ! طبعا من عادتي أروح لحالي ، إما معي كتاب معين ناوي أقراه أو مثلا تروح بس كذا مزاج ! غالبا ما أروح أقرا صراحة ، المهم .. ابذكر كم موقف مر عليه في الفندق و وش خلاني الفندق أسعى له ، أول المواقف .. مرة كنت جالس متحمس جدا اقرا كتاب للدكتورة : جان ياجر ، إلا و يجيك واحد سعودي ! قال يا اخوي عندنا اجتماع ! قلت طيب ؟ قال لابس ودنا نجلس هنا ! انا صراحة المكان نوعا ما مناسب بس عادي لو اغيره ! قلت في نفسي قلت الأماكن ! قلت اظاهر انك فاهم الإجتماع خطأ .. الأماكن كلها فاضية ! المهم راح بغيت صراحة ألحقها بكلمة و أقول شرايك أحجز لك غرفة بعد عشان تاخذ راحتك مدري صراحة ليه بعض الناس ما يبون و لا يدورون إلا الضيق ! ياخي الأماكن فاضية ضاق إلا المكان الي أنا فيه ! ـ هذا الموقف الأول .. و مرة كنت داخل الفندق فمعي شنطة .. المهم انه دخلتها على سير التفتيش ، فكان يدخلها و يطلعها و انا اقول وش فيك ! يقول لا بس وش معك ! انا صراحة قلت ليكون حطوا الصغار فيها شيء ! قلت فيها كتب و دفاتر و أقلام ! قال ايه بس تبي الصراحة ؟ قلت وشو قال السير علق و تنفس الصعداء قلت ليه ناوي أجلس طول اليوم و السير يسوي كذا ! خل أسحبها بس
ــ الموقف الثالث .. حصل قريب تقريبا ، كنت جاي هالمرة و معي كتاب جديد .. صراحة الكتاب شبهة ! إذا جيت للعنوان شبهة .. و إذا جيت للصورة شبهة ! يعني يخووف اسم الكتاب : من قلب الجهاد .. هذي صورة لواجهة الكتاب : :
: : طبعا الكتاب قصته جدا جدا جدا حلوة و شيقة في نفس الوقت ، بإختصار جدا الكتاب لجاسوس عربي الأصل عمل في أحد أكبر إستخبارات العالم .. طبعا يروي قصته و كيف تسلل للقاعدة و دخل معسكراتها ، و كيف تخلت عنه المخابرات الغربية .. و كيف نجح في الفرار من القاعدة ، الكتاب جديد و من أواخر ما أصدرته مكتبة [ العبيكان ] المهم ، جلست أقرا في الكتاب .. طبعا وصلت للصفحة رقم 100 بدون ما أحس و الله ! ناظرت الساعة .. قلت يؤ يؤ ! الساعة 7 ! يعني صلوا المغرب المهم قمت و توضيت و انا طالع .. أقول للعامل الموجود في اللوبي [ I will come back
يعني قلت : انا سوف أعود .. المهم توضيت و صليت مع كم واحد كانوا في اللوبي ، بعد ماخلصت الصلاة رحت على مكاني .. جاني مدير الكفي من أحد الدول العربية .. بس ولد عسل ، قال كتاب حلو مخيف مرعب ! قلت جدا قال جدا حلو ! جديد الكتاب ؟ قلت جدا جديد .. المهم قال او ما تخلص منه عطني إياه قلت تامر أمر ! طبعا كان يسأل اذا معي كتب ثانية ! فقلت عندك الشنطة شف الي يناسبك خذه ، و اذا خلصت رجعه ، المهم أخذ ثلاث كتب .. أو ثلاث روايات ، مرت يومين .. و رحت للوبي .. و ألقى الرجال متشقق لأبعد درجة ! قال خلصتهم ! قلت أما قال و انت ماخلصتهم ! قلت لا مابعد .. انا أستلمه بعد المغرب و العصر يكون مع وحدة من أخواتي طبعا صراحة .. بعد ما شفت همة مدير اللوبي في القرآءة ! جلست اقول مدير و مدري ايش و كم ساعة شغل و مراجعة فواتير و مدري ايش ! و في يومين خلص كتابين من القطع المتوسط يمكن كل كتاب 200 صفحة و شوي قلت إن شاء الله إني أبخلص كتاب : من قلب الجهاد بسرعة ! و اعطيه إياه ، يستاهل صراحة ـــــ فيه و الله مواقف كثيرة .. خصوصا يوم دخلت و انا حاط سماعات في اذني و قال واحد قصر عليها إزعاج بغيت اقول اها بس ازعاج قال ــــ بس صراحة ! و الله استفدت استفادة حلوة صراحة من مخالطة عمال اللوبي ! يعني صرت على الأقل أعرف أقول : إني سأعود للطاولة مرة أخرى ! و الكثير من الجميل الي يتمشي عمرك فيها سواءا كنت في مطعم أو محل أو أي شيء ، قلت مرة للعامل الهندي لا تكلمني عربي ! خل شوف اعرف كم كلمة ، بس مرة ضعت صراحة معه أبقول هل يوجد جريدة الجزيرة لهذا اليوم ؟ ماعرفت يعني مثلا .. بيبر .. و تودي .. و دو يو هاف ! قلت له إظاهر : دويو هاف بيبر تودي ! قال أي جريدة ! قالها بالإنجليزي طبعا ! انا قلت اوكي ثانكيو على بالي انها مب فيه او ماخذها احد او او ! يعني .. صرت ألحلح عمري شوي يا الله .. ناوي و الله أتعلم الإنجليزي عن طريق محادثتهم و القرآءة ! و بعض الحركات ــ لرواد لوبي الأنتر .. أنصح بكل من المشروبات : كوفي كراميل .. كوفي لاتية .. كوفي أمريكي .. سبرايت عندهم حلى فراولة واو و الله رووووعة ، ـ مشكلة اللوبي الوحيدة هي ! .. اذا جيت بعض الأحيان و كان مليان و لا فيه إلا الجلسات الخلفية تكره نفسك \: يصيرون الي قدام يدخنون الله يعزكم و الدخان يجي للي ورا \: أفضل شيء صراحة ! جلسة في أقصى اليمين .. مرتفعة شوي ، و لا في المنتصف ! مدري سبحان الله ليه مايجيه دخان هع هع ـ > كنت حاط الموضوع أول شيء [ فراغ ] بس بعد تمامه غيرته لـ محطات في الانتركونتيننتال ـ تصبحون على ألف خــير ، ـ في أمان الله : : : : : : : : : : : | ||||
|
... 
.. قال وش طبيعته خليته يقرا قصيته و أهم المواضيع فيه ،
! ماشاء الله انت أكلتهم ما قريتهم 
،
| ||||
بسم الله ،
: هذا عبدالمجيد :: :: ::
:: هذا الشاهي ، طبعا بعد ما يخلص الشاهي يجي و يعبيه ، الغريب انه حط وحده صغيره ، انقلبت و ملت البريق كله ورق ! : :
:: يا ويلي يا مجودي : :
: هـــاني ، ويلي ع الإبتسامة يا وله ! :: ::
: عبدالرحمن :: ::
: عبدالعـزيز [ أنا يعني ] :: ::
: شــاكر ، عبدالمجيد :: :: : : بس خلصت : اوه لا صح ذكرت فيه صور غير قابلة للعرض و لا يا شاكر
: طبعـا من بعد صلاة العصر إلى الساعة 5:30 و حنا بالكفي مادرينا بالوقت ، :: :: بس ، و ننتظر تتكرر ، حفظكم الله جميـعا ، هاني عبدالرحمن شاكر عبدالمجيد ، و انا .. يا الله .. تصبحون على خيييييييييير : : لحد يعلق
| ||||
|
] المهم اول ما دخلنا سوالف و عن سفرتنا انا و عبدالرحمن و عبدالمجيد للبحرين و قطر والإمارات ،
] و عبدالمجيد ع اليسار [ 
| ||||
بسم الله .. الأمس .. كان إجتماع رائع جدا .. فاق التصورات حقيقة ً .. كنا نعد لهذا الإجتماع يمكن قبل شهر و أكثر بعد .. خل أقول السالفة من الأول .. اتصل علي ابراهيم قال نبي نطلع انا و انت و عبدالرحمن و عبدالمجيد .. بخصوص موضوع شاكر ، قلت مافيش مشكلة .. المهم حددنا الموعد طلعنا على الدائري << مشكلة ياتجلس على رصيف او كفي يا الله المهم الجمعة و سعة الصدر
المهم .. اجتمعنا و حددنا الموعد قلنا يكون من 15/11 و طالع مايكون قبل ، أجمعنا على هذا .. طبعا السواليف تروح و تجي و شوي اجتماع و شوي سوالف
طبعا الشاهي و القهوة موجودة و الفطاير .. اظاهر اني كنت مواعد واحد من الشباب فقال ان معه واحد جاي و مدري ايش منحرج مدري وش فيه
قلت و الله الي يبي يجي حياه الله .. و الي بينحرج لايجي و مالكم بالطويلة
المهم قمنا و رحنا لمطعم نتعشى فيه .. و اثناء العشاء اتصل خوينا الي مواعدينه و قال ان بيجي و معه كم واحد .. قلت أهـلا و سهـلا
المهم سوالف و شاهي الين قلنا حنا نستاذن لأن معنا واحد عنده دوام .. طلعـنا .. هنا انتهى الإجتماع على ان اللقاء الثاني يحدد لاحقا .. حددنا لقاء قبل اسبوعين اظاهر اجتمعنا بكفي .. نفس الي اجتمعنا على الدائري حددنا كل شيء نبي نسويه في العزيمة .. مثلا الإستراحة .. الذبيحة .. الشاهي النعناع القهوة التمر الحلا الفطاير .. كل شيء كل شيء ، حطينا ميزانية بحدود الـ 1500 .. اي صح نسيـت حددنا الي بنقولهم .. تصدقون الورقة معي إلى الحين خل أجيبها اشوف من قلنا له .. ابكتب الي مكتوب في الورقة بالضبط .. شـــاكـــر صدى الذات -- مشغول -- عباد -- ابو زيد -- المميز -- ابو رهف -- ابو البراء حاليا أبو أريام -- هاني -- خليل باشا - ابراهيم - عبدالرحمن - عبدالمجيد - عبدالعزيز هذولي الي قررنا نناديهم .. ــ طبعا صدى الذات اعتذر و قال ابوي تعبان .. الله يشفيه و يعافيه و يقومه بالسـلامة .. مشغول على اسمه دائما مشغول ــ أظن الكلام هذا كان الإربعاء قلنا الجمعة نروح نستاجر الإستراحة ، رحنا اظاهر السبت او الأحد بعد رحت انا و عبدالرحمن و عبدالمجيد بس كان خط السير كله ضحك على بعض الناس و لا بعض الناس تقول قلبي قاسي ##################### رحنا للإستراحة و دخلناها طبعا مارحنا ناصينها لا طبعا .. المهم انا دخلنا الإستراحة الي خذناها امس و شفناها حلوة و كل شيء خلاص قررنا ناخذها .. طلعنا بنحرج قال عبدالمجيد مشتهي كنافة قلنا قدام .. خذنا كنافة لكل واحد و مالكم بالطويـلة .. بدو الشباب بالتوافد من الساعة 8:15 تقريـبا .. كان المميز اول الحاضرين ، حضورا الشباب كلهم تقريبا الا الي اعتذروا .. جاء واحد ماكان خاطر على بالي انه بيجي [ عبدالهادي ]
هههههههههههههههاي .. عبدالهادي جاي !!! مش معقولة عبدالهادي هذا طبعا زميل لشاكر كلمناه مرة و خذ يا فلسفة و يا دلع و يا تقطيع ما عرف لنا كل شوي قالبين .. و هو بعد كان حار في الجوال
صبينا القهوة و الشاهي و النعناع .. ـ العشاء جاء تقريبا الساعة 10 .. المهم قلطنا الشباب و خذ يا سوالف على العشاء ابسكت يبو رهف منيب قايل شيء
ــ زبدة السالفة الي عقب العشاء .. ودي بس كذا بفاصل بعض الصور للشباب ،، ـــ
ــ اظاهر لازم اعلق على الصور .. او مب لازم ، بس خل اقول ان الي على اليمين لابس شماغ [ العريــس شاكر .. طبعا العزيمة عشانه ] من قدك يا دب
ـــــــــ الصورة الي بعدها ،
ابو رهـف يا حلاوة إبتسامتك بس ،
ــــــــــــــــــــــــــــــ
ــ
هذا هاني هههههههههههههههههاي يا هاني تصدقون هذا نكلمه اول و لا نعرفه ــ يا حبيلك يا صاحب القلب الأبيض .. ــ
معلييييييييييييش يبو عمر .. ما أمداك تسوي شيء ـــــــــــ
أحلى يا دب .. << مب انا ابعد إظاهر طاح عقالي يوم جيت أحط الكرتون .. ترى الي في المخبات الي فوق مب فلوس ابدا مب 230 ابدا من يبي سلف بس
ــ طبعا بعد العــشاء و بعد كل شيء عطينا المكرفون ابو رهـف طبـعا كان فيه تصوير فيديو بسيط للجلسة بس مب واضح يعني تشوف الصورة و تسمع الصوت بس مافيه نور بالأصح ـــ طبعا خليل باشا جاء متأخر جا يمكون 12:30 و الله و سعدنا بالجلوس معه يمكن إلين الساعة 2 الليل .. ـــ سعدنا بكم جميـعا .. و ان شاء الله تتكرر طبعا فيه اقتراحات تنادي و بقوة ان يكون فيه طلعة تقريبا شهرية للشباب لأنا نجتمع بس مو كلنا سوا .. ــ ـ ـ ـ
و طاب يومكم .. و حفظكم الله .. ـ عبدالعزيز | ||||
|
| ||||
|
بسم الله .. كما قـيل .. رب صدفة خير من ألف ميعاد ،
| ||||
|
.. 
ـ
| ||||
. . .. . بسم الله ..
صراحة مافي بالي موضوع معين .. بس حبيت أفتح المدونة و أجلس أشخبط فيها شوي ،
ما ادري بس فيه ناس تقول اني متغير ..!
ماعلينا بس .. المهم اليوم صراحة كان فيه حفل افتتاح لمجمع إتصالات عندنا بالرياض
قسم بالله مالي نفس اكمل .. واحد ضيق صدري
بس .. أبكمل غصب عشان أحاول أغير الجو العام ..
ايه شكنت أقول ؟ اها الحفل اي صح فأقول .. رحت اليوم للحفل طبعا و الله ماكنت متوقع يكون فيه حضور بهذا العدد الخيالي
طبعا انا رحت و الله عشان أشوف المقدم الرائع ، و المقدم الخيالي حبيب الشعب الاستاذ [ البراء الرشود ] ــ و عشان اشوف حبايب قلبي .. و أصدقاء عمري [ عبدالرحمن و عبدالمجيد الفايز ] تصدقون يمكن لي أعرفهم أكثر من سبع او ثمان سنوات .. ماشفت أحد مثلهم أبدا و ما أظن أبشوف ـ و الله يافيه ناس و عالم في الحفل بس تصدقون وش أحسن في حفل الإفتتاح عاد .. اني شفت احد المدرسين الي درسني في الثانوي .. ماشاء الله تبارك الله ياهو فلته في النحو .. شيء خرافي ماشاء الله ـ عاد صار لي طبعا كم موقف بس اخاف اقولها تقولون اني ملقوف سألني واحد من الجنسية اليمنية قالي انت ضمن الإدارة ..! قلت ايه
طبعا لا من الإدارة و لا هم يحزنون بس انا في بالي اني ضمن الإدارة اليوم بس عشان محد يصور الا من الإدارة و انا عطاني الكمرا واحد من االادارة فكأنه يقوللي انت اليوم من الإدارة .. قالي بكم أجار المحلات هنا ؟ جاك عاد ابو العريف قلت بحدود الـ 2000 إلى 6000 آلاف ريال .. قال في السنة ! قلت اي و يمكن في ست شهور و الله اني ما اعرف اتكلم بعد في العقار
قال عطني رقم المسؤول قلت ابشر و عطيته رقم واحد من المسؤولين المهم .. يوم خلص حفل الإفتتاح .. طلعنا نتعشى انا و البراء و عبدالمجيد و عبدالرحمن و محمد عاد انا قلت لعبدالمجيد السالفة قالي صاحي انت هذي الشهر بـ 2000 ريال أحس ان الأخ اليمني اذا قاله الشهر بـ 2000 بينجلط و السبب انا
تصدقون و الله صار أشياء كثيرة بس مالي نفس أكتب ايه عاد اختم و اقول العشاء وشو ووش الأكلة الي أكلتها لأول مرة مو أول مرة عاد لا قد اكلتها بس اول مرة اجرب الخبرة نفسها العادة ناخذ الخبرة الي كأنها صامولي كبيرة و كأنها فرنسية صغيرة كيف المثال و التشبيه المهم .. المطعم هو :
طبعا هو صراحة اول احبه بعدين كرهته بعدين حبته
تدرون ليه ؟ لأن مع احترامي الشديد للمطعم او للعمال بالذات .. يعني فرع تلقاه بايخ جدا و فرع تلقاه ممتاز .. يعني الفرعين الي ممتازة و بطلة هي الي في الملك عبدالله عند سيفوي هذا بطل و الي في البديعة هذا أبطل عاد .. و سبب انه ابطل لأن طريقة لمباته و إضائته خيالية و اقولكم وش السبب الي يخلي هالفرعين بطلات .. هو ان الساندويش تجيك كلها مليانه مو زي الي بالتحلية مثلا يحط لك بالنص بس يعني ثلاث أرباع الخبرة فاضية ايه صح نسيت اقولك وش طلبت .. طلبت الخبر التندوري و لا يبو عمر
ترى نسيت اسمه .. خبره حلوة و خفيفة شوفوا عاد الصدق هو لو أنت بلحالك مو زي ما تجلس مع ناس تحبهم و تعزهم .. يا حبيبي لو تروح معهم و تتعشون كل واحد علبة زبادي ياخي تطلع و الله عشوة < من العشاء خيالية .. و الله لا يغير علينا بس قولوا آمين .. الأهم و الله عندي اني اشوف الي احبهم و العشاء يجي تبعا .. لأن الواحد لو ما تعشى برا بيلقى عشاء ببيتهم .. و يالله انك ما تغير علينـا بس .. أكرمك الله يا عبدالرحمن .. أكرمك الله يا عبدالمجيد .. ـ طبعا محمد بغى يطب في بطني هو صح انا حبيت استفزه شوي و الله و عصب هو غريبة مب العادة يبو عبدالعزيز انك تعصب ياحبي لك يا محمد بس .. صح نسيـت أقولكم منهم هالي تعشيت معهم و لا مب لازم ؟ اظاهر مب لازم أهم شيء اني أكن لهم المحبة و التقدير و متى أتعشى مع بعض الناس بس متى .. ـــــــ تصبحون على خـير يا زوار و يا قراء و يا أصدقاء المدونة .. صح نسيـت أقول لكم .. ترى الي ضيق صدري و الله اني احبه .. بس ماضيق صدري عاد بس كذا احب اتدلع شوي .. شلون أصلا واحد تحبه و يحبك و يضيق صدرك متسحيييل يا عالم .. .. .. .. ..
| ||||
|
